چین کا ٹرمپ پر الزام

چین کا مؤقف: ٹرمپ مشرق وسطیٰ میں کشیدگی کو ہوا دے رہے ہیں

چین نے امریکی صدر ڈونلڈ ٹرمپ پر مشرق وسطیٰ میں کشیدگی بڑھانے کا الزام عائد کیا ہے۔ بیجنگ کے مطابق ٹرمپ ایران اور اسرائیل کے درمیان تنازع کو مزید بھڑکانے میں کردار ادا کر رہے ہیں۔

چینی وزارت خارجہ کے ترجمان گوو جیاکُن نے پریس کانفرنس میں کہا کہ “تنازع کو ختم کرنے کے بجائے دھمکی آمیز بیانات، دباؤ اور تیل چھڑکنے جیسے اقدامات خطے میں صورتحال کو بگاڑنے کا باعث بن رہے ہیں۔”

چین کا یہ سخت ردعمل ٹرمپ کے اُس بیان کے بعد سامنے آیا ہے جس میں انہوں نے ایرانی شہریوں کو تہران فوراً خالی کرنے کی ہدایت دی تھی۔ ٹرمپ کا کہنا تھا کہ ایران ایٹمی ہتھیار حاصل کرنے کے قریب ہے اور اس صورتحال سے فوری طور پر نمٹنے کی ضرورت ہے۔

بیجنگ نے واضح کیا ہے کہ موجودہ وقت میں صبر، سفارتکاری اور کشیدگی میں کمی کی ضرورت ہے، نا کہ دھمکیوں اور طاقت کے مظاہروں کی۔