کرسٹیانو رونالڈو نے کلب ورلڈ کپ میں شرکت کی پیشکش مسترد کر دی

 

کرسٹیانو رونالڈو نے کلب ورلڈ کپ میں شرکت کی پیشکش مسترد کر دی

عالمی شہرت یافتہ فٹبال اسٹار کرسٹیانو رونالڈو نے حالیہ بیان میں بتایا ہے کہ انھوں نے کلب ورلڈ کپ میں شرکت کی پیشکشوں کو رد کر دیا ہے۔ سعودی فٹبال کلب النصر کے ساتھ دو سالہ نئے معاہدے کے بعد اپنے ویڈیو پیغام میں رونالڈو نے کہا کہ:

"میرے پاس کچھ پیشکشیں تھیں کہ میں کلب ورلڈ کپ میں کھیلوں، لیکن میرے لیے یہ مناسب نہیں تھا۔ میں نے فیصلہ کیا کہ مکمل آرام اور اچھی تیاری میرے کیریئر کے لیے زیادہ ضروری ہے۔"

رونالڈو نے مزید کہا کہ وہ النصر اور پرتگالی قومی ٹیم دونوں کے لیے مکمل طور پر فٹ اور تیار رہنا چاہتے ہیں۔ اسی لیے انھوں نے اپنی سرگرمیوں کو محدود رکھا اور دیگر کسی پیشکش کو قبول نہیں کیا۔