دلجیت دوسانجھ نے پاکستانی اداکارہ ہانیہ عامر کا دفاع کر دیا

دلجیت دوسانجھ نے پاکستانی اداکارہ ہانیہ عامر کا دفاع کر دیا

بھارتی گلوکار و اداکار دلجیت دوسانجھ ان دنوں اپنی نئی فلم "سردار جی 3" کے ٹریلر کے بعد تنازعات کی زد میں ہیں۔ ان تنازعات کی اصل وجہ فلم میں پاکستانی اداکارہ ہانیہ عامر کی موجودگی ہے، جس پر بھارت میں بعض حلقوں کی جانب سے بائیکاٹ کی مہم شروع ہو گئی ہے۔

حال ہی میں ایک انٹرویو کے دوران، دلجیت دوسانجھ نے اپنی ساتھی اداکارہ نیرو باجوہ کے ہمراہ بی بی سی ایشیئن نیٹ ورک کو بتایا کہ ہانیہ عامر اب بھی فلم کا حصہ ہیں۔ انہوں نے کہا کہ ہانیہ عامر ایک پروفیشنل اداکارہ ہیں اور ان کے ساتھ کام کرنا ایک خوشگوار تجربہ تھا۔

فلم پر اٹھنے والی تنقید کا پس منظر انڈیا اور پاکستان کے درمیان حالیہ کشیدگی ہے، خاص طور پر پہلگام میں ہونے والے حملے اور اس کے بعد چار روزہ سرحدی جھڑپوں نے اس معاملے کو مزید حساس بنا دیا ہے۔