اقوام متحدہ کی سلامتی کونسل کا ہنگامی اجلاس طلب

 

ایران، اسرائیل جنگ: یورپی وزرائے خارجہ جوہری تنازع پر مذاکرات کریں گے، اقوام متحدہ کی سلامتی کونسل کا ہنگامی اجلاس طلب

عالمی خبر رساں اداروں کے مطابق یورپی ممالک کے وزرائے خارجہ نے ایران کے ساتھ جاری جوہری تنازع پر مذاکرات کا فیصلہ کیا ہے۔ مذاکرات جمعے کو جنیوا میں ہوں گے۔

ذرائع کے مطابق جرمنی، فرانس اور برطانیہ کے وزرائے خارجہ، ایران کے وزیر خارجہ سے براہ راست ملاقات کریں گے تاکہ خطے میں کشیدگی کو کم کیا جا سکے۔

رپورٹس میں یہ بھی بتایا گیا ہے کہ امریکا نے بھی ان مذاکرات پر رضامندی ظاہر کی ہے، اور وہ اس بات چیت کو خوش آئند قرار دے رہا ہے۔

دوسری جانب، اقوام متحدہ کی سلامتی کونسل کا ہنگامی اجلاس بھی طلب کر لیا گیا ہے تاکہ ایران اسرائیل تنازع اور جوہری صورتحال پر عالمی سطح پر گفتگو کی جا سکے۔