پیٹرول اور ڈیزل کی قیمتوں میں اضافہ — نئی قیمتوں کا فوری اطلاق

 

پیٹرول اور ڈیزل کی قیمتوں میں اضافہ — نئی قیمتوں کا فوری اطلاق

حکومتِ پاکستان نے آئندہ 15 دنوں کے لیے پیٹرولیم مصنوعات کی تازہ قیمتوں کا اعلان کر دیا ہے، جن کا اطلاق فوری طور پر نافذ العمل ہو چکا ہے۔

تازہ اعلان کے مطابق:

ہائی اسپیڈ ڈیزل کی قیمت میں 10 روپے 39 پیسے فی لیٹر اضافہ کیا گیا ہے، جس کے بعد نئی قیمت 272 روپے 98 پیسے فی لیٹر ہو گئی ہے۔

پیٹرول کی قیمت میں 8 روپے 36 پیسے فی لیٹر اضافہ کیا گیا ہے، اور اب نئی قیمت 266 روپے 79 پیسے فی لیٹر مقرر کی گئی ہے۔

مزید براں، ذرائع کا کہنا ہے کہ پیٹرولیم مصنوعات کی نئی قیمتوں میں 2 روپے 50 پیسے فی لیٹر کاربن لیوی بھی شامل کی گئی ہے۔

ذرائع کے مطابق:

پیٹرول پر لیوی کم ہو کر 75 روپے 52 پیسے فی لیٹر کر دی گئی ہے۔

ہائی اسپیڈ ڈیزل پر لیوی 74 روپے 51 پیسے فی لیٹر مقرر کی گئی ہے۔

یہ فیصلہ عالمی مارکیٹ میں تیل کی قیمتوں اور حکومتی مالیاتی حکمت عملی کے تناظر میں کیا گیا ہے۔