زلزلے کی مانگا میں پیشگوئی؟ کامچٹکا کا 8.8 شدت کا زلزلہ اور جاپانی فنکار کی حیران کُن "پیشن گوئی"

 ایران کا اقوام متحدہ میں انتباہ: اسرائیل سے تعاون کرنے والے ممالک بھی ذمہ دار   ہوں گے

ایران نے اقوام متحدہ کی سلامتی کونسل کو سخت الفاظ میں خبردار کیا ہے کہ اسرائیل کے حالیہ حملوں میں معاونت کرنے والے ممالک قانونی طور پر ان حملوں کے نتائج کے ذمہ دار ہوں گے۔

اقوام متحدہ میں ایران کے مستقل مندوب امیر سعید ایراوانی نے سلامتی کونسل کو بھیجے گئے ایک خط میں واضح کیا ہے کہ ایران اپنے دفاع کے حق کے تحت ایسے دفاعی اقدامات کر رہا ہے جن کا مقصد فوجی تنصیبات اور ان سے منسلک انفرااسٹرکچر کو نشانہ بنانا ہے۔

امریکا پر براہ راست الزام

میڈیا سے گفتگو میں امیر سعید ایراوانی نے امریکا کو اسرائیلی جارحیت کا شریک قرار دیا۔ ان کا کہنا تھا کہ اسرائیل امریکی ہتھیاروں، خفیہ معلومات اور سیاسی حمایت کے بغیر ایران پر حملہ کرنے کی صلاحیت نہیں رکھتا، اس لیے یہ حملہ صرف اسرائیل نہیں بلکہ امریکا کی بھی ذمہ داری ہے۔

انہوں نے مزید کہا کہ ایران نے نہ تو جنگ میں پہل کی ہے اور نہ ہی اسرائیل پر حملہ کیا ہے، بلکہ ایران کی کارروائیاں دفاعی اور متناسب ردعمل کے زمرے میں آتی ہیں۔ ایران کو وجودی خطرے سے دوچار بتانا ایک بے بنیاد دعویٰ ہے۔

اسرائیل کا ردعمل

دوسری جانب اقوام متحدہ میں اسرائیلی نمائندے ڈینی ڈینون نے ایران پر الزام عائد کیا کہ اس کے حملوں کا ہدف شہری آبادی ہے، جبکہ اسرائیل صرف فوجی اور حکومتی اہداف کو نشانہ بنا رہا ہے۔