اسرائیل پر حملوں کی بارہویں لہر

 

اسرائیل پر حملوں کی بارہویں لہر، سیجل اور فتاح ون میزائلوں کا استعمال

ایران کی جانب سے اسرائیل پر حملوں کی بارہویں لہر کے دوران سیجل میزائلوں کے ساتھ فتاح ون ہائپر سونک میزائل بھی داغے گئے۔ ایرانی فوج کے مطابق یہ حملے مخصوص اہداف پر مرکوز ہیں اور ان کا سلسلہ جاری رہے گا۔

پاسدارانِ انقلاب کا دعویٰ ہے کہ انہوں نے اسرائیلی فضائی حدود پر مکمل کنٹرول حاصل کر لیا ہے۔ ان کا کہنا ہے کہ صہیونی دفاعی نظام ایرانی میزائلوں کے آگے بے اثر ہو چکا ہے۔

ادھر ایک امریکی اخبار کی رپورٹ میں بتایا گیا ہے کہ اسرائیل کو میزائل شکن نظام ایرو انٹرسیپٹرز کی قلت کا سامنا ہے، جس کے باعث اس کی بیلسٹک حملے روکنے کی صلاحیت متاثر ہو رہی ہے۔

ایرانی عسکری ذرائع کے مطابق یہ اقدامات صہیونی حکومت کے جارحانہ رویے کے جواب میں کیے جا رہے ہیں، اور وہ اسے "جہنم کے دروازے کھلنے" سے تعبیر کر رہے ہیں۔