ریکوڈک منصوبے سے 75 ارب ڈالرز سے زائد منافع متوقع ہے: نیٹلی اے بیکر

 

ریکوڈک منصوبے سے 75 ارب ڈالرز منافع کی توقع: امریکی ناظم الامور

پاکستان میں امریکی ناظم الامور نیٹلی اے بیکر نے کہا ہے کہ ریکوڈک منصوبے سے آئندہ برسوں میں 75 ارب ڈالرز سے زائد منافع کی توقع ہے۔ ان کا کہنا تھا کہ امریکی کمپنیاں پاکستان کے معدنی شعبے میں سرمایہ کاری کے لیے پرجوش ہیں۔

آن لائن اجلاس میں نیٹلی بیکر نے بتایا کہ امریکی کمپنیوں کو پاکستان میں تانبے، سونے اور لیتھیئم جیسے قیمتی معدنی وسائل میں سرمایہ کاری کے امکانات سے آگاہ کیا گیا ہے۔

انہوں نے کہا کہ پاکستانی حکومت نے کاروباری ماحول کو بہتر بنانے کے لیے متعدد اصلاحات کی ہیں، اور ریکوڈک منصوبہ اس شعبے میں پاکستان کی صلاحیت کی ایک بہترین مثال ہے۔

نیٹلی بیکر کا مزید کہنا تھا کہ اس منصوبے سے امریکی کمپنیوں کو 1 ارب ڈالرز کے برآمدی مواقع حاصل ہوں گے، اور امریکی مشن پاکستان کے ساتھ معاشی روابط مزید مستحکم کرنے کے لیے پرعزم ہے۔