صدر ٹرمپ کی فیلڈ مارشل عاصم منیر سے ملاقات

 

صدر ٹرمپ کی فیلڈ مارشل عاصم منیر سے ملاقات، پاک بھارت کشیدگی پر تبادلہ خیال

امریکی صدر ڈونلڈ ٹرمپ نے فیلڈ مارشل سید عاصم منیر سے ملاقات کو اپنے لیے اعزاز قرار دیا ہے۔ ملاقات وائٹ ہاؤس کے اوول آفس میں ہوئی جس کے بعد صدر ٹرمپ نے میڈیا سے گفتگو کی۔

صدر ٹرمپ کا کہنا تھا کہ پاکستان کے ساتھ تجارتی معاہدے پر بات چیت جاری ہے اور امید ہے کہ دونوں ممالک تجارتی تعلقات کو مزید بہتر بنائیں گے۔

انہوں نے کہا کہ پاکستان اور بھارت دونوں ایٹمی طاقتیں ہیں اور فیلڈ مارشل عاصم منیر کی قیادت میں کشیدگی میں کمی قابلِ تحسین ہے۔ "میں نے انہیں جنگ روکنے پر شکریہ ادا کرنے کے لیے مدعو کیا تھا۔"

صدر ٹرمپ نے مزید کہا کہ ایران کے معاملے پر بھی گفتگو ہوئی ہے، پاکستان ایران کو بہتر سمجھتا ہے اور موجودہ صورتحال پر پاکستان مطمئن نہیں ہے۔