امریکا نے ایرانی جوہری تنصیبات پر بنکر بسٹر بموں اور ٹوماہاک میزائلوں سے حملہ

 

امریکا نے ایرانی جوہری تنصیبات پر بنکر بسٹر بموں اور ٹوماہاک میزائلوں سے حملہ کر دیا

امریکا نے ایران کی تین اہم جوہری تنصیبات — فردو، نطنز اور اصفہان — کو بنکر بسٹر بموں اور ٹوماہاک میزائلوں کے ذریعے نشانہ بنایا ہے، جس کے بعد امریکا بھی اسرائیل کی ایران پر مسلط کردہ جنگ میں باضابطہ طور پر شامل ہو گیا ہے۔

امریکی میڈیا رپورٹس کے مطابق:

فردو کی جوہری تنصیب پر 6 B-2 بمبار طیاروں نے 12 بنکر بسٹر بم برسائے۔

نطنز اور اصفہان کی تنصیبات کو 30 ٹوماہاک میزائلوں سے نشانہ بنایا گیا۔

یہ میزائل 400 میل دور موجود امریکی آبدوز (سب میرین) سے داغے گئے۔

امریکی صدر ڈونلڈ ٹرمپ نے اس کارروائی کو "کامیاب اور بے مثال" قرار دیا اور کہا:

"اگر اب بھی امن قائم نہ ہوا، تو اگلی کارروائی پہلے سے زیادہ شدید اور برق رفتار ہوگی۔"

اسرائیلی وزیراعظم نیتن یاہو نے ایران کے خلاف جنگ میں شمولیت پر صدر ٹرمپ کا شکریہ ادا کیا ہے۔

ایرانی وزیر خارجہ عباس عراقچی نے شدید ردعمل میں کہا:

"امریکا نے ریڈ لائن عبور کر لی ہے، اب وہ ایران کے جوابی وار کا خود ذمے دار ہوگا۔"