بہار میں جادو ٹونے کا الزام: ایک ہی خاندان کے 5 افراد کو قتل کر کے جلایا گیا

 

بہار میں جادو ٹونے کا الزام: ایک ہی خاندان کے 5 افراد کو قتل کر کے جلایا گیا

انڈیا کی ریاست بہار کے ضلع پورنیا میں انسانیت سوز واقعہ پیش آیا جہاں ایک ہی خاندان کے پانچ افراد کو مبینہ طور پر جادو ٹونے کے الزام میں قتل کر دیا گیا۔ مرنے والوں میں بابو لال اورون، ان کی اہلیہ اور خاندان کے دیگر تین افراد شامل ہیں۔

ضلعی مجسٹریٹ انشول کمار کے مطابق یہ واقعہ 6 جولائی کی رات دو بجے پیش آیا، جب متاثرین کو شدید تشدد کا نشانہ بنایا گیا اور بعدازاں زندہ جلا دیا گیا۔ پولیس اور انتظامیہ نے موقع پر پہنچ کر لاشوں کو قبضے میں لے کر پوسٹ مارٹم کے لیے روانہ کیا۔

پولیس کے مطابق واقعے کی FIR میں 23 افراد کو نامزد کیا گیا ہے جبکہ 150 سے 200 نامعلوم افراد کے خلاف بھی مقدمہ درج کر لیا گیا ہے۔ اب تک 3 افراد کو گرفتار کیا جا چکا ہے اور مختلف علاقوں میں چھاپے مارے جا رہے ہیں۔

یہ واقعہ نہ صرف قانون کی حکمرانی پر سوال اٹھاتا ہے بلکہ دیہی علاقوں میں توہم پرستی اور جادو ٹونے کے بے بنیاد الزامات کے سنگین نتائج کو بھی اجاگر کرتا ہے۔