ثمر بلور نے مسلم لیگ ن میں شمولیت اختیار کرلی

 

ثمر بلور نے مسلم لیگ ن میں شمولیت اختیار کرلی

عوامی نیشنل پارٹی کی سابق رہنما اور رکن صوبائی اسمبلی ثمر ہارون بلور نے پاکستان مسلم لیگ (ن) میں شمولیت اختیار کرلی ہے۔

ذرائع کے مطابق ثمر بلور نے اسلام آباد میں وزیراعظم شہباز شریف سے ملاقات کی، جس کے دوران انہوں نے مسلم لیگ ن میں شامل ہونے کا اعلان کیا۔ ملاقات میں وفاقی وزیر امیر مقام بھی موجود تھے۔

اس موقع پر وزیراعظم نے کہا کہ ثمر بلور کی شمولیت خیبر پختونخوا میں پارٹی کو مزید مضبوط کرے گی۔

شمولیت سے قبل ثمر بلور کا کہنا تھا کہ وہ مسلم لیگ ن کا حصہ بننے کا فیصلہ کر چکی ہیں اور وزیراعظم سے ملاقات کے بعد باضابطہ اعلان کریں گی۔

ثمر ہارون بلور ماضی میں اے این پی کی صوبائی سیکریٹری اطلاعات اور رکن صوبائی اسمبلی بھی رہ چکی ہیں۔