شمالی غزہ میں حماس کا اسرائیلی فوج پر حملہ، 5 اہلکار ہلاک

 

شمالی غزہ میں حماس کا اسرائیلی فوج پر حملہ، 5 اہلکار ہلاک

غزہ: شمالی غزہ کے علاقے بیت ہنون میں فلسطینی مزاحمتی گروپ نے اسرائیلی فوج پر گھات لگا کر حملہ کیا جس کے نتیجے میں 5 اسرائیلی فوجی ہلاک اور 10 زخمی ہوگئے، جبکہ ایک فوجی لاپتہ ہے۔

عرب ذرائع کے مطابق، یہ حملہ اس وقت کیا گیا جب اسرائیلی فوجی قافلہ علاقے سے گزر رہا تھا۔ حملے کا نشانہ بننے والے اہلکار Yahalom یونٹ سے تعلق رکھتے تھے، جو کہ غزہ میں گھروں کو تباہ کرنے کے خصوصی مشن پر مامور تھے۔

واقعے کے فوراً بعد اسرائیلی ہیلی کاپٹر جائے وقوعہ پر پہنچے اور زخمیوں کو فوری اسپتال منتقل کیا گیا۔ عینی شاہدین کے مطابق علاقے میں شدید فائرنگ اور دھماکوں کی آوازیں سنی گئیں۔

یہ واقعہ غزہ میں جاری کشیدگی میں ایک اہم موڑ کی حیثیت رکھتا ہے، جہاں فریقین کے درمیان جھڑپیں مسلسل شدت اختیار کر رہی ہیں۔