طلال چوہدری کا اعلان: 27 یوٹیوب چینلز کے خلاف کریمنل کارروائی ہوگی

 

طلال چوہدری کا اعلان: 27 یوٹیوب چینلز کے خلاف کریمنل کارروائی ہوگی

اسلام آباد: وزیرِ مملکت برائے داخلہ طلال چوہدری نے کہا ہے کہ حال ہی میں بند کیے گئے 27 یوٹیوب چینلز کے خلاف اب کریمنل کارروائی بھی کی جائے گی۔

میڈیا سے گفتگو کرتے ہوئے طلال چوہدری نے کہا کہ یہ چینلز سوشل میڈیا پر لوگوں کے خلاف جھوٹے بیانیے پھیلاتے اور فتوے جاری کرتے ہیں۔ ان کے مطابق ایسے عناصر صحافتی اصولوں کی خلاف ورزی کرتے ہیں، لیکن ان کے ویوز ان افراد سے کہیں زیادہ ہوتے ہیں جو اصولوں کی پاسداری کرتے ہیں۔

انہوں نے مزید کہا کہ پاکستان میں قانون موجود ہے اور سب کو اس پر عملدرآمد کرنا ہوگا۔ ریاستی اداروں اور معاشرتی اقدار کے تحفظ کے لیے ایسے اقدامات ضروری ہیں۔