دشمن انتشار پیدا کر کے قوم کو کمزور کرنا چاہتا ہے: احسن اقبال

 

دشمن انتشار پیدا کر کے قوم کو کمزور کرنا چاہتا ہے: احسن اقبال

وفاقی وزیر احسن اقبال نے کہا ہے کہ قوم کے دشمن ہمیں انتشار اور تقسیم کے ذریعے کمزور کرنا چاہتے ہیں، ہمیں متحد ہو کر ان سازشوں کا مقابلہ کرنا ہوگا۔

نارووال میں یومِ عاشور کے مرکزی جلوس میں شرکت کے بعد میڈیا سے گفتگو کرتے ہوئے احسن اقبال نے کہا کہ:

"شہدائے کربلا کی عظیم قربانی ہمیں یہ سکھاتی ہے کہ حق اور سچ کے راستے پر ڈٹ جانا ہی اصل کامیابی ہے۔"

انہوں نے کہا کہ امام حسین رضی اللہ عنہ اور ان کے جانثار ساتھیوں نے ظلم کے خلاف ڈٹ کر اسلامی تاریخ کی عظیم مثال قائم کی۔

وفاقی وزیر نے زور دیا کہ ہمیں آج کے دور میں مذہبی رواداری، برداشت اور ہم آہنگی کو فروغ دینا ہوگا تاکہ کوئی دشمن ہمیں آپس میں لڑا کر کمزور نہ کر سکے۔