کرسٹیانو رونالڈو کا ساتھی فٹبالر ڈیاگو جوتا کی موت پر اظہارِ افسوس

 

کرسٹیانو رونالڈو کا ساتھی فٹبالر ڈیاگو جوتا کی موت پر اظہارِ افسوس

پرتگال: پرتگال فٹبال ٹیم کے کپتان کرسٹیانو رونالڈو نے اپنے ساتھی کھلاڑی ڈیاگو جوتا کی ناگہانی موت پر گہرے دکھ کا اظہار کیا ہے۔

ڈیاگو جوتا، جو انگلش کلب لیورپول ایف سی اور پرتگال کی قومی ٹیم کے اہم کھلاڑی تھے، ایک کار حادثے میں جاں بحق ہو گئے۔ ان کے ساتھ ان کا چھوٹا بھائی آندرے سلوا بھی انتقال کر گیا۔ حادثہ شمالی اسپین میں پیش آیا۔

رونالڈو نے ایکس (ٹوئٹر) پر تعزیتی پیغام میں کہا:

"یہ سب کچھ بے معنی لگتا ہے، ہم حال ہی میں قومی ٹیم میں ساتھ تھے اور تم نے ابھی شادی کی تھی۔"

رونالڈو نے مزید کہا:

"میں تمہارے خاندان، بیوی اور بچوں کے لیے صبر و ہمت کی دعا کرتا ہوں۔ مجھے یقین ہے کہ تم ہمیشہ ان کے دلوں میں زندہ رہو گے۔ ہم تمہیں یاد کریں گے، ڈیاگو اور آندرے، تمہیں سلام۔"

ڈیاگو جوتا نے پرتگال کے لیے 49 انٹرنیشنل میچز میں حصہ لیا اور یورپا نیشنز لیگ 2019 اور 2025 میں جیتنے والی ٹیم کا حصہ تھے۔