اسلام آباد میں گدھے کے گوشت کی بڑی کھیپ پکڑی گئی – عوام کی صحت سے کھلواڑ بے نقاب

 

اسلام آباد میں گدھے کے گوشت کی بڑی کھیپ پکڑی گئی – عوام کی صحت سے کھلواڑ بے نقاب

اسلام آباد فوڈ اتھارٹی کے ڈائریکٹر عرفان میمن نے ایک حیران کن انکشاف کیا ہے کہ گدھے کے گوشت کی اسلام آباد سے باہر بھی ترسیل کی جا رہی تھی۔ ان کا کہنا ہے کہ ایک ہفتے کی خفیہ نگرانی کے بعد کارروائی عمل میں لائی گئی تاکہ ملزمان کو رنگے ہاتھوں پکڑا جا سکے۔

عرفان میمن کے مطابق، جب ان کی ٹیم موقع پر پہنچی تو وہاں ایک ہزار کلو کٹا ہوا گدھے کا گوشت اور 40 زندہ گدھے موجود تھے۔ اس کے علاوہ ایک غیر ملکی قصائی اور چوکیدار کو بھی گرفتار کر لیا گیا ہے۔

ترنول کے علاقے سے 25 من سے زائد گوشت برآمد ہوا، جب کہ 50 سے زائد زندہ گدھوں کو بھی قبضے میں لیا گیا۔ حکام کے مطابق یہ گوشت کہاں تقسیم کیا گیا اور کتنے گدھے ذبح کیے گئے، اس حوالے سے تحقیقات جاری ہیں۔

اسلام آباد فوڈ اتھارٹی نے شہریوں سے اپیل کی ہے کہ وہ مشکوک گوشت کی فروخت کی صورت میں فوری اطلاع دیں تاکہ ایسے مافیا کا قلع قمع کیا جا سکے۔