ایلون مسک نے ’امریکا پارٹی‘ کے قیام کا اعلان کر دیا

 

 ایلون مسک نے ’امریکا پارٹی‘ کے قیام کا اعلان کر دیا

دنیا کے معروف صنعتکار اور ٹیسلا کے سی ای او ایلون مسک نے ایک نئی سیاسی جماعت ’امریکا پارٹی‘ کے قیام کا اعلان کر دیا ہے۔

بین الاقوامی میڈیا کے مطابق ایلون مسک نے جماعت کے قیام کا اعلان اپنے سوشل میڈیا پلیٹ فارم X (سابقہ ٹوئٹر) پر کیا۔ انہوں نے اس پارٹی کو ریپبلکن اور ڈیموکریٹ پارٹیوں کے متبادل کے طور پر پیش کیا۔

اپنے بیان میں ایلون مسک نے کہا کہ:

"موجودہ نظام کرپشن اور بدانتظامی کے باعث امریکا کو تباہی کے دہانے پر لے آیا ہے۔ اب وقت ہے کہ ایسی قیادت سامنے لائی جائے جو صرف اشرافیہ نہیں بلکہ عوام کی بھی خدمت کرے۔"

ایلون مسک کا مزید کہنا تھا کہ:

"امریکا پارٹی کا مقصد عوام کو حقیقی آزادی دینا اور بااختیار بنانا ہے۔"

ابھی تک یہ واضح نہیں ہو سکا کہ آیا یہ جماعت کسی انتخابی ادارے کے پاس رجسٹرڈ ہے یا نہیں، اور نہ ہی اس کے قیادت یا تنظیمی ڈھانچے سے متعلق معلومات سامنے آئی ہیں۔