انسٹنٹ کافی اور نظر کی بیماری کے درمیان خطرناک تعلق دریافت

 

انسٹنٹ کافی اور نظر کی بیماری کے درمیان خطرناک تعلق دریافت

ماہرینِ صحت نے خبردار کیا ہے کہ انسٹنٹ کافی کا زیادہ استعمال ایک خطرناک آنکھوں کی بیماری سے منسلک ہو سکتا ہے۔

تازہ تحقیق کے مطابق، انسٹنٹ کافی پینے والے افراد میں عمر بڑھنے کے ساتھ لاحق ہونے والی بیماری میکیولر ڈی جنریشن (AMD) کا خطرہ 7 گنا زیادہ ہو سکتا ہے۔

 میکیولر ڈی جنریشن (AMD) کیا ہے؟

یہ ایک ایسی آنکھوں کی بیماری ہے جس میں پردۂ بصارت (ریٹینا) کا اہم حصہ میکیولا متاثر ہوتا ہے۔ اس سے:

پڑھنے

چہروں کو پہچاننے

گاڑی چلانے

جیسے کاموں کی صلاحیت کمزور ہو جاتی ہے، نظر دھندلا جاتی ہے۔

تحقیق کی تفصیل:

تحقیق کی سربراہ سوئے لو کے مطابق:

انسٹنٹ کافی کا استعمال AMD کے خطرات میں اضافہ کرتا ہے۔

ایسے افراد جو جینیاتی یا طبی اعتبار سے اس بیماری کے زیادہ خطرے میں ہیں، انہیں انسٹنٹ کافی سے اجتناب کرنا چاہیے۔

انہوں نے واضح کیا کہ اگرچہ مزید تحقیق کی ضرورت ہے، تاہم احتیاطی اقدامات کے طور پر انسٹنٹ کافی کے استعمال کو کم کرنا فائدہ مند ثابت ہو سکتا ہے۔