بھارت کی کھیل دشمنی بے نقاب، پاکستان ہاکی ٹیم کو کھلی دھمکیاں!

 

بھارت کی کھیل دشمنی بے نقاب، پاکستان ہاکی ٹیم کو کھلی دھمکیاں!

کرکٹ کے بعد بھارت نے اب قومی کھیل ہاکی کو بھی اپنی انتہا پسندانہ سیاست کا نشانہ بنا لیا ہے۔ بھارت میں انتہا پسند تنظیم آر ایس ایس اور حکومتی حمایت یافتہ سوشل میڈیا اکاؤنٹس سے پاکستان ہاکی ٹیم کو کھلم کھلا دھمکیاں دی جا رہی ہیں۔

بھارتی میڈیا نے پہلے دعویٰ کیا کہ پاکستان ہاکی ٹیم کو ایشیا کپ میں شرکت کے لیے بھارت آنے کی اجازت دے دی گئی ہے، مگر دو دن بھی نہ گزرے کہ زہر اُگلنے اور دھمکیاں دینے کا سلسلہ شروع ہو گیا۔

سوشل میڈیا پر پاکستانی کھلاڑیوں کی تصاویر کے ساتھ دھمکیاں دی جا رہی ہیں، جو کھیل کے عالمی اصولوں اور سپورٹس مین اسپرٹ کے سراسر خلاف ہے۔

 کیا پاکستانی ہاکی ٹیم کی جان خطرے میں ہے؟

ایشیا کپ 27 اگست سے بھارت کے شہر راج گر میں شروع ہو رہا ہے، اور موجودہ صورتحال میں سابق کپتانوں اور اولمپئنز نے شدید تشویش کا اظہار کرتے ہوئے مطالبہ کیا ہے کہ:

"ٹورنامنٹ کو کسی نیوٹرل مقام پر منتقل کیا جائے، تاکہ کھلاڑیوں کی جان و مال کو خطرات لاحق نہ ہوں۔"

 سابق کپتانوں کا مؤقف

پاکستان ہاکی ٹیم کے سابق اولمپئینز کا کہنا ہے کہ اگر کرکٹ سیریز نیوٹرل وینیو پر ہو سکتی ہے تو ہاکی مقابلے بھی بھارت سے باہر ہونے چاہئیں۔