کشتی پر ’اورا فارمنگ ڈانس‘ کرنے والا بچہ عالمی اسٹار بن گیا

 

کشتی پر ’اورا فارمنگ ڈانس‘ کرنے والا بچہ عالمی اسٹار بن گیا

انڈونیشیا سے تعلق رکھنے والا 11 سالہ ریان کشتی پر کھڑے ہو کر غیر ارادی ڈانس کے ذریعے راتوں رات دنیا بھر میں وائرل ہوگیا۔ ’کالا لباس، کالی ٹوپی اور چشمہ‘ پہنے ریان دراصل کشتی دوڑ کے دوران اپنی ٹیم کا حوصلہ بڑھا رہا تھا، جب توازن برقرار رکھنے کے لیے اس نے بازو ہلا کر ڈانس کرنا شروع کیا، جسے دنیا نے ’’Aura Farming Dance‘‘ کا نام دے دیا۔

ریان کا معصوم انداز اور منفرد اسٹائل سوشل میڈیا پر اتنا مقبول ہوا کہ دنیا بھر کی مشہور شخصیات بھی اس ٹرینڈ کا حصہ بن گئیں۔ عالمی میڈیا نے اسے ’’The Rapper Boy‘‘ کا خطاب دیا۔

ریان کا کہنا ہے کہ اس نے کچھ سوچے بغیر موقع پر ہی یہ ڈانس کیا اور وہ خود بھی حیران ہے کہ وہ اتنی تیزی سے دنیا بھر میں مشہور ہوگیا۔