سندھ طاس معاہدے کی ممکنہ معطلی: بھارت کا اقدام خطے کے امن کے لیے خطرہ قرار

 

سندھ طاس معاہدے کی ممکنہ معطلی: بھارت کا اقدام خطے کے امن کے لیے خطرہ قرار

بھارت کی جانب سے سندھ طاس معاہدے کی ممکنہ یکطرفہ معطلی پر پاکستان، ماہرین اور عالمی اداروں کی جانب سے شدید ردعمل سامنے آیا ہے۔

ورلڈ بینک اور عالمی ثالثی عدالت نے واضح کیا ہے کہ اس معاہدے کی معطلی صرف باہمی رضامندی سے ہی ممکن ہے، یکطرفہ فیصلہ عالمی قوانین کی خلاف ورزی ہو گا۔

پاکستان نے خبردار کیا ہے کہ بھارت کی آبی جارحیت کو کسی صورت برداشت نہیں کیا جائے گا، جبکہ عالمی برادری سے مطالبہ کیا ہے کہ اس حساس مسئلے پر فوری توجہ دی جائے۔

ماہرین نے خبردار کیا ہے کہ اگر بھارت نے پانی کی بندش کا فیصلہ کیا تو اسے پاکستان کے خلاف جنگی اقدام تصور کیا جائے گا، جو نہ صرف دونوں ممالک بلکہ پورے خطے کے امن کو خطرے میں ڈال دے گا۔

پاکستان کے لیے دریائی پانی زراعت، خوراک اور معیشت کا اہم ستون ہے، اور کسی بھی قسم کی بندش تباہ کن نتائج لا سکتی ہے۔