کراچی: شرافی گوٹھ میں ڈرم سے جھلسی ہوئی خاتون کی لاش برآمد

 

کراچی: شرافی گوٹھ میں ڈرم سے جھلسی ہوئی خاتون کی لاش برآمد

کراچی: شہر قائد کے علاقے شرافی گوٹھ سے ایک ڈرم میں بند جھلسی ہوئی خاتون کی لاش برآمد ہوئی ہے جس کے ہاتھ پاؤں بندھے ہوئے تھے۔

پولیس کے مطابق ابتدائی تفتیش میں یہ بات سامنے آئی ہے کہ خاتون کی لاش 15 سے 20 روز پرانی ہو سکتی ہے۔ لاش کی حالت انتہائی خراب تھی جس سے تشدد اور جلانے کے شواہد بھی ملے ہیں۔

لاش کو مزید تفتیش اور پوسٹ مارٹم کے لیے جناح اسپتال منتقل کر دیا گیا ہے، جبکہ کرائم سین یونٹ کی ٹیم جائے وقوعہ سے شواہد اکٹھے کر رہی ہے۔

پولیس حکام کا کہنا ہے کہ واقعے کی ہر پہلو سے تحقیقات جاری ہیں اور لاش کی شناخت کے لیے بھی اقدامات کیے جا رہے ہیں۔