مظفرگڑھ میں مسافر بس اور ٹرالر میں خوفناک تصادم، 6 افراد جاں بحق

 

مظفرگڑھ میں مسافر بس اور ٹرالر میں خوفناک تصادم، 6 افراد جاں بحق

مظفرگڑھ کے علاقے لنگر سرائے میں ایک افسوسناک ٹریفک حادثہ پیش آیا جہاں ایک تیز رفتار مسافر بس اور ٹرالر کے درمیان تصادم کے نتیجے میں 6 افراد جاں بحق اور 18 زخمی ہو گئے۔

ریسکیو ذرائع کے مطابق حادثے میں بس ڈرائیور، دو خواتین اور دو بچے موقع پر ہی جاں بحق ہو گئے جبکہ دیگر 18 افراد زخمی ہوئے جنہیں فوری طور پر قریبی اسپتال منتقل کیا گیا۔

حادثہ اس وقت پیش آیا جب مسافر بس علی پور سے لاہور جا رہی تھی کہ اچانک تیز رفتاری کے باعث سامنے سے آنے والے ٹرالر سے ٹکرا گئی، جس سے بس کو شدید نقصان پہنچا۔

حادثے کی اطلاع ملتے ہی ریسکیو 1122 اور پولیس کی ٹیمیں موقع پر پہنچ گئیں اور زخمیوں کو فوری طبی امداد فراہم کی گئی۔

پولیس حکام کے مطابق ابتدائی تحقیقات میں تیز رفتاری حادثے کی بڑی وجہ قرار دی جا رہی ہے۔ جائے حادثہ پر امدادی کارروائیاں مکمل کر لی گئی ہیں، جبکہ حادثے کی مکمل تحقیقات جاری ہیں۔