Skip to main content

Featured

زلزلے کی مانگا میں پیشگوئی؟ کامچٹکا کا 8.8 شدت کا زلزلہ اور جاپانی فنکار کی حیران کُن "پیشن گوئی"

  زلزلے کی مانگا میں پیشگوئی؟ کامچٹکا کا 8.8 شدت کا زلزلہ اور جاپانی فنکار کی حیران کُن "پیشن گوئی" روس کے علاقے کامچٹکا میں 29 جولائی 2025 کو آنے والے 8.8 شدت کے شدید زلزلے نے نہ صرف روس بلکہ جاپان، امریکا، اور چین سمیت کئی ساحلی ممالک کو سونامی وارننگ جاری کرنے پر مجبور کر دیا۔ زلزلے کے بعد جہاں لاکھوں افراد سونامی الرٹس پر نظر جمائے بیٹھے تھے، وہیں چین میں 10 لاکھ سے زائد افراد نے اپنے اسمارٹ فونز پر ایک حیران کن چیز سرچ کی — 2021ء میں شائع ہونے والی ایک جاپانی مانگا (Comic Book)، جس میں جولائی 2025 میں ایک تباہ کن زلزلے کی پیش گوئی کی گئی تھی۔ اگرچہ مانگا میں یہ تاریخ 5 جولائی لکھی گئی تھی، لیکن اصل زلزلہ 29 جولائی کو آیا۔ اس معمولی فرق کے باوجود، سوشل میڈیا پر لوگوں نے اسے ایک حیران کُن "اتفاق" قرار دیا اور بعض افراد نے اسے سنجیدگی سے لینا شروع کر دیا۔ تاہم جاپانی ماہرینِ ارضیات نے اس "پیش گوئی" کو مسترد کرتے ہوئے کہا کہ زلزلے کی درست پیش گوئی سائنسی طور پر تاحال ناممکن ہے۔ ان کا کہنا تھا کہ اس قسم کی افواہیں عوام میں غیر ضروری خوف اور غلط فہمیاں پیدا...

نیتن یاہو کا قطری تجاویز میں تبدیلی سے انکار، مذاکراتی ٹیم قطر روانہ

 


نیتن یاہو کا قطری تجاویز میں تبدیلی سے انکار، مذاکراتی ٹیم قطر روانہ

یروشلم: اسرائیلی وزیراعظم نیتن یاہو نے واضح کیا ہے کہ حماس کی جانب سے قطر کی پیش کردہ جنگ بندی تجاویز میں تبدیلی کی درخواست قبول نہیں کی جائے گی۔

وزیراعظم ہاؤس سے جاری بیان کے مطابق غزہ میں جنگ بندی سے متعلق بات چیت کے لیے اسرائیلی مذاکراتی ٹیم آج قطر روانہ ہو رہی ہے۔

خبر رساں اداروں کے مطابق قطر میں ہونے والے ان مذاکرات میں امریکا اور قطر کی مشترکہ تجویز کردہ نکات پر بات چیت ہوگی۔

دوسری جانب ایک فلسطینی عہدیدار کا کہنا ہے کہ موجودہ تجاویز میں انسانی امداد، رفح بارڈر کراسنگ اور اسرائیلی فوج کے انخلا کے ٹائم ٹیبل پر اب بھی تشویش برقرار ہے۔

Comments