بھارت کی انتہا پسندی ہاکی میدان تک جا پہنچی، پاکستان ٹیم کو دھمکیاں

 

بھارت کی انتہا پسندی ہاکی میدان تک جا پہنچی، پاکستان ٹیم کو دھمکیاں

بھارت میں پاکستان مخالف جذبات ایک بار پھر عروج پر ہیں، اور اب نشانہ بنائی جا رہی ہے پاکستان ہاکی ٹیم۔ کرکٹ کے بعد ہاکی جیسے کھیل کو بھی سیاسی نفرت کا شکار بنایا جا رہا ہے۔

بھارتی میڈیا اور انتہا پسند تنظیم آر ایس ایس سے منسلک سوشل میڈیا اکاؤنٹس کی جانب سے پاکستانی کھلاڑیوں کو کھلم کھلا دھمکیاں دی جا رہی ہیں، جس میں ٹیم کی تصاویر شیئر کر کے ان کے خلاف زہر اگلا جا رہا ہے۔

ایسی صورتحال میں پاکستانی ہاکی اولمپئنز نے مطالبہ کیا ہے کہ ایشیا کپ ہاکی ٹورنامنٹ کو بھارت سے کسی غیر جانبدار ملک منتقل کیا جائے، تاکہ کھلاڑیوں کی جانوں کو لاحق خطرات سے بچایا جا سکے۔

یاد رہے کہ ایشیا کپ 27 اگست سے بھارت کے شہر راجگیر میں شیڈول ہے، جس کے لیے پہلے بھارتی حکومت نے پاکستان ٹیم کو ویزہ دینے کی منظوری دی تھی، لیکن اب ماحول ایک بار پھر شدت پسندی کی لپیٹ میں ہے۔

کھلاڑیوں اور ماہرین کا کہنا ہے کہ کھیلوں کو سیاست سے پاک رکھنا وقت کی اہم ضرورت ہے، تاکہ امن، ہم آہنگی اور باہمی احترام کو فروغ مل سکے۔