شیر شاہ کراچی میں پلاسٹک گودام میں لگنے والی آگ پر تاحال قابو نہ پایا جا سکا

 

شیر شاہ کراچی میں پلاسٹک گودام میں لگنے والی آگ پر تاحال قابو نہ پایا جا سکا

کراچی: شیر شاہ کے صنعتی علاقے میں ایک پلاسٹک کے گودام میں لگنے والی آگ 5 گھنٹے بعد بھی قابو میں نہ آ سکی۔

ریسکیو ذرائع کے مطابق 5 فائر ٹینڈرز اور 2 واٹر باؤزر آگ بجھانے کی کوششوں میں مصروف ہیں۔ آگ لگنے کی وجوہات تاحال معلوم نہیں ہو سکیں۔

ریسکیو حکام کا کہنا ہے کہ گودام میں پلاسٹک، ربر، آئل فلٹرز اور دیگر آتش گیر سامان موجود ہے، تاہم خوش قسمتی سے کوئی جانی نقصان رپورٹ نہیں ہوا۔

فائر آفیسر کے مطابق، آگ بجھانے کے دوران آئل فلٹرز پھٹنے سے دوبارہ شعلے بھڑک اٹھتے ہیں، جس سے فائر فائٹنگ میں مسلسل رکاوٹ پیش آ رہی ہے۔

مزید تفصیلات جلد فراہم کی جائیں گی۔