مختلف صوبوں میں بارش سے ندی نالوں میں طغیانی، فصلیں متاثر، ایک شخص جاں بحق

 

مختلف صوبوں میں بارش سے ندی نالوں میں طغیانی، فصلیں متاثر، ایک شخص جاں بحق

ملک کے مختلف حصوں میں مون سون بارشوں نے ندی نالوں میں طغیانی پیدا کر دی ہے جبکہ متعدد علاقوں میں پانی فصلوں میں داخل ہو چکا ہے۔

پنجاب: دریائے سندھ میں چشمہ اور جناح بیراج پر نچلے درجے کا سیلاب ہے جبکہ دریائے چناب میں قادرآباد کے مقام پر پانی کے بہاؤ میں تیزی دیکھی جا رہی ہے۔ میانوالی میں پانی کچے کے علاقوں میں داخل ہو چکا ہے۔

سندھ: دادو میں کیرتھر پہاڑی سلسلوں میں بارش کے بعد گاج ندی میں 5 فٹ اونچا ریلا "کاچھو" علاقے میں داخل ہو گیا۔

بلوچستان: ضلع واشک میں بارشوں سے تیار فصلیں زیرِ آب آ گئیں، بسیمہ درمن ندی کے ریلے میں بہہ کر ایک شخص جاں بحق ہوگیا۔ درخشاں گراڑی میں چھت گرنے سے مویشی ہلاک ہوئے، طوفانی ہواؤں سے سولر پلیٹیں بھی بہہ گئیں۔

گلگت بلتستان: چلاس میں آندھی سے کچے مکانات کی چھتیں اڑ گئیں، گونر فارم نالہ کے سیلابی ریلے نے زرعی زمینوں کو شدید نقصان پہنچایا۔

آزاد کشمیر: اٹھ مقام، جاگراں ویلی، شاردہ، اڑنگ کیل، گریس ویلی اور دیگر علاقوں میں بارش سے موسم خوشگوار ہو گیا ہے۔

محکمہ موسمیات اور مقامی انتظامیہ نے نشیبی علاقوں میں احتیاط کی ہدایات جاری کر دی ہیں۔