آپریشن سندور: بھارت نے ہلاک فوجیوں کو اعزازات دینے کا فیصلہ کر لیا

 

آپریشن سندور: بھارت نے ہلاک فوجیوں کو اعزازات دینے کا فیصلہ کر لیا

بھارتی حکومت نے بالآخر پاکستان کے خلاف کیے گئے آپریشن "سندور" میں مارے جانے والے فوجیوں کو فوجی اعزازات دینے کا فیصلہ کر لیا ہے۔

سیکیورٹی ذرائع کے مطابق بھارتی فوج پر اندرونی سطح پر شدید دباؤ ہے کیونکہ آپریشن کے دوران ہونے والی بھاری ہلاکتوں کو اب تک سرکاری طور پر تسلیم نہیں کیا گیا تھا۔

اطلاعات کے مطابق صرف لائن آف کنٹرول (ایل او سی) پر بھارت کو 250 سے زائد فوجی ہلاکتوں کا سامنا کرنا پڑا، جن میں رافیل طیاروں کے 3 پائلٹس، ایک دیگر فضائیہ پائلٹ، ایس-400 نظام کے 5 آپریٹرز، ادھم پور ایئر بیس کے 9 اہلکار، اور راجوڑی و اڑی جیسے اہم مقامات پر تعینات دیگر اہلکار شامل ہیں۔

بین الاقوامی میڈیا کے مطابق پاکستان کے مؤثر حملوں، خصوصاً پٹھان کوٹ، ادھم پور اور ایئر ڈیفنس یونٹس پر کیے گئے حملوں کے بعد بھارت کو جنگ بندی پر مجبور ہونا پڑا۔

ذرائع کا کہنا ہے کہ ہلاک فوجیوں کے اہل خانہ کو تصاویر سوشل میڈیا پر نہ شیئر کرنے کے لیے دباؤ کا سامنا ہے، جبکہ مودی حکومت اب بھی ان نقصانات کو تسلیم کرنے سے گریزاں ہے۔

یہ سوال اٹھایا جا رہا ہے کہ اگر بھارت ان ہلاکتوں کو تسلیم نہیں کرتا، تو اب انہی فوجیوں کو فوجی اعزازات دینے کا مقصد کیا ہے؟