سیکیورٹی خدشات، پاکستان ہاکی ٹیم ایشیا کپ کھیلنے بھارت نہیں جائے گی

 

سیکیورٹی خدشات، پاکستان ہاکی ٹیم ایشیا کپ کھیلنے بھارت نہیں جائے گی

پاکستان ہاکی ٹیم نے ایشیا کپ ٹورنامنٹ کے لیے بھارت جانے سے انکار کر دیا ہے۔

حکومتی ذرائع کے مطابق بھارتی میڈیا اور انتہا پسند تنظیموں کی جانب سے پاکستانی کھلاڑیوں کو کھلم کھلا دھمکیاں دی جا رہی ہیں، جس کے باعث ٹیم کو سیکیورٹی خطرات لاحق ہیں۔

ذرائع کا کہنا ہے کہ بھارت میں آر ایس ایس سے وابستہ اکاؤنٹس سوشل میڈیا پر پاکستان ہاکی ٹیم کے خلاف زہر اگل رہے ہیں اور کھلاڑیوں کی تصاویر لگا کر انہیں دھمکایا جا رہا ہے۔ یہ صورتحال پاکستان کی ہاکی ٹیم کے لیے خطرناک ہو سکتی ہے، اسی لیے بھارت نہ بھیجنے کا فیصلہ کیا گیا ہے۔

حکام کا کہنا ہے کہ پاکستان نے ہمیشہ کھیل کو سیاست سے الگ رکھا ہے، مگر افسوس کہ بھارت نے کھیل کو بھی سیاسی دشمنی کا نشانہ بنا دیا ہے۔

واضح رہے کہ ایشیا کپ ہاکی ٹورنامنٹ 27 اگست سے بھارت کے شہر راج گر میں شروع ہوگا۔