مہنگائی بے قابو: ایک ہفتے میں 19 اشیائے ضروریہ کی قیمتوں میں ہوشربا اضافہ

 

مہنگائی بے قابو: ایک ہفتے میں 19 اشیائے ضروریہ کی قیمتوں میں ہوشربا اضافہ

پاکستان میں مہنگائی کا جن مسلسل بے قابو ہوتا جا رہا ہے۔ گزشتہ ایک ہفتے کے دوران عام استعمال کی 19 بنیادی اشیائے ضروریہ کی قیمتوں میں مزید اضافہ ریکارڈ کیا گیا ہے، جس سے عوام کی مشکلات میں مزید اضافہ ہو گیا ہے۔

وفاقی ادارہ شماریات کے مطابق ہفتہ وار مہنگائی کی شرح میں 0.95 فیصد اضافہ دیکھا گیا، جبکہ اس سے پچھلے ہفتے بھی 0.73 فیصد اضافہ ریکارڈ کیا گیا تھا۔

رپورٹ میں کہا گیا ہے کہ اشیائے خوردونوش، خاص طور پر آٹا، چینی، دالیں، سبزیاں اور گوشت کی قیمتیں عوام کی پہنچ سے باہر ہوتی جا رہی ہیں۔ ماہرین کے مطابق یہ مہنگائی کا تسلسل حکومت کے لیے ایک بڑا چیلنج بنتا جا رہا ہے، جبکہ عام آدمی کی زندگی دن بہ دن دشوار ہو رہی ہے۔

حکومت سے عوام کا سوال:

کیا عام آدمی کے لیے ریلیف صرف وعدوں تک محدود رہے گا یا کوئی عملی قدم بھی اٹھایا جائے گا؟