ن لیگ کا مولانا فضل الرحمٰن سے اہم رابطہ، سینیٹ انتخابات اور سیاسی مستقبل زیرِ بحث

 

ن لیگ کا مولانا فضل الرحمٰن سے اہم رابطہ، سینیٹ انتخابات اور سیاسی مستقبل زیرِ بحث

اسلام آباد میں حکمراں جماعت مسلم لیگ (ن) کے اعلیٰ سطح کے وفد نے جمعیت علمائے اسلام (ف) کے سربراہ مولانا فضل الرحمٰن سے ان کی رہائش گاہ پر اہم ملاقات کی۔

وزیراعظم کے مشیر برائے سیاسی امور رانا ثناء اللّٰہ اور وفاقی وزیر امیر مقام اس وفد کا حصہ تھے، جنہوں نے دیگر رہنماؤں کے ساتھ مولانا فضل الرحمٰن سے تفصیلی تبادلۂ خیال کیا۔

ملاقات میں جے یو آئی کے سینئر رہنما، جن میں اکرم درانی، مولانا لطف الرحمٰن، مولانا عطاء الرحمٰن، مولانا اسعد محمود، کامران مرتضیٰ، مرتضیٰ جاوید عباسی اور ہارون محمود شامل تھے، نے بھی شرکت کی۔

ذرائع کے مطابق اس موقع پر خیبر پختونخوا میں پارٹی پوزیشن، 21 جولائی کو ہونے والے سینیٹ انتخابات اور ملکی سیاسی صورتِ حال پر تفصیلی مشاورت ہوئی۔

یہ ملاقات اس وقت ہو رہی ہے جب ملک میں سیاسی گہما گہمی اپنے عروج پر ہے اور تمام سیاسی جماعتیں مستقبل کے لیے حکمت عملی ترتیب دے رہی ہیں۔