پنجاب میں بارشوں کے باعث حادثات، 24 گھنٹوں میں 7 افراد جاں بحق، 11 زخمی

 

پنجاب میں بارشوں کے باعث حادثات، 24 گھنٹوں میں 7 افراد جاں بحق، 11 زخمی

لاہور: صوبائی ڈیزاسٹر مینجمنٹ اتھارٹی (پی ڈی ایم اے) پنجاب نے حالیہ بارشوں سے ہونے والے جانی و مالی نقصان کی رپورٹ جاری کر دی ہے۔ رپورٹ کے مطابق گزشتہ 24 گھنٹوں کے دوران مختلف حادثات میں 7 افراد جاں بحق اور 11 زخمی ہوئے۔

رپورٹ کے مطابق:

کہوٹہ میں کچے مکان کی چھت گرنے سے ایک بچہ جاں بحق جبکہ 4 افراد زخمی ہوئے۔

کامونکی میں چھت گرنے سے ایک خاتون جاں بحق اور 2 افراد زخمی ہو گئے۔

راولپنڈی میں بارش کے پانی میں ڈوبنے سے ایک شخص جان کی بازی ہار گیا۔

کلر سیداں میں نہاتے ہوئے 3 بچے ڈوب گئے۔

جلو، لاہور میں نالے کی صفائی کے دوران مٹی تلے دب کر ایک شخص جاں بحق ہوا۔

شاہکام چوک میں خستہ حال مکان کی چھت گرنے سے ایک خاتون جاں بحق ہوئی۔

ٹھوکر نیاز بیگ کے علاقے قطار بند میں مکان کی چھت گرنے سے 3 افراد زخمی ہوئے۔

نواحی گاؤں گوپےرا میں چھت گرنے سے ایک شخص زخمی ہوا۔

ترجمان پی ڈی ایم اے نے عوام سے اپیل کی ہے کہ موسم کی صورتحال سے باخبر رہیں اور کمزور یا خستہ حال عمارتوں سے دور رہیں۔