پاکستانی راشد نسیم کا نن چکو ریکارڈ، دہائی مکمل – گینیز نے ’بیسٹ آف دی بیسٹ‘ میں شامل کر لیا!

 

پاکستانی راشد نسیم کا نن چکو ریکارڈ، دہائی مکمل – گینیز نے ’بیسٹ آف دی بیسٹ‘ میں شامل کر لیا!

پاکستان کے معروف مارشل آرٹسٹ راشد نسیم کے بنائے گئے تاریخی نن چکو ریکارڈ کو 10 سال مکمل ہو چکے ہیں، اور گینیز ورلڈ ریکارڈز نے نہ صرف انہیں مبارکباد دی ہے بلکہ ان کے کارنامے کو اپنی "All Time Great – Best of the Best" فہرست میں شامل کر لیا ہے۔

راشد نسیم نے 2015ء میں صرف ایک منٹ میں نن چکو کی مدد سے 158 کلے ٹارگٹس کو توڑ کر دنیا کو حیران کر دیا تھا۔ ان کا یہ ریکارڈ نہ صرف آج بھی برقرار ہے بلکہ اسے گینیز ورلڈ ریکارڈ کی 70ویں سالگرہ پر بنائی گئی پروموشنل ویڈیو کا حصہ بھی بنایا گیا ہے۔

راشد نسیم اب تک نن چکو کی مختلف کیٹیگریز میں 7 سے زائد عالمی ریکارڈز بنا چکے ہیں اور ان کا شمار دنیا کے اعلیٰ ترین مارشل آرٹس ماہرین میں ہوتا ہے۔

یہ کامیابی نہ صرف راشد نسیم بلکہ پاکستان کے لیے بھی ایک قابلِ فخر لمحہ ہے، جس نے دنیا کو دکھا دیا کہ محنت، مہارت اور جذبے سے عالمی سطح پر مقام حاصل کیا جا سکتا ہے۔