وزن کم کرنے کے لیے چاول بہتر یا روٹی؟ ماہرین کا حیران کن جواب!

 

وزن کم کرنے کے لیے چاول بہتر یا روٹی؟ ماہرین کا حیران کن جواب!

چاول کھائیں یا روٹی؟ صدیوں پرانا یہ سوال اب ماہرین نے سائنسی تحقیق کی روشنی میں حل کر دیا ہے۔

تازہ تحقیق کے مطابق چاول اور روٹی دونوں وزن کم کرنے میں مددگار ثابت ہو سکتے ہیں، بشرطیکہ اعتدال سے استعمال کیے جائیں۔

نیشنل انسٹیٹیوٹ آف ڈائیبیٹیز اینڈ ڈائجسٹو اینڈ کڈنی ڈیزیز کی رپورٹ میں بتایا گیا ہے کہ چاول انسولین کے خلاف مزاحمت کم کرنے، بھوک کم کرنے اور بلڈ شوگر کنٹرول کرنے میں مدد دیتے ہیں۔

 چاول یا روٹی میں کیا بہتر ہے؟

چاول میں پروٹین اور کیلوریز کی مقدار کم ہوتی ہے

سفید چاول کے بجائے براؤن رائس یا خالص گندم کی روٹی کو ترجیح دی جائے

دونوں اشیاء معتدل گلیسیمک انڈیکس رکھتی ہیں، یعنی شوگر لیول کو قابو میں رکھتی ہیں

ان کو دہی، دال، انڈے یا فائبر والی سبزیوں کے ساتھ کھانے سے وزن کم کرنے میں زیادہ مدد ملتی ہے

 کیا احتیاط ضروری ہے؟

جی ہاں! چاول یا روٹی میں تیل، مکھن، گریوی یا چینی شامل نہ کریں کیونکہ یہ وزن اور شوگر لیول بڑھا سکتے ہیں۔

ماہرین کا کہنا ہے کہ صرف چاول یا روٹی کو مجرم نہ ٹھہرائیں — اصل بات مقدار اور مجموعی خوراک کے توازن میں ہے۔