کرس ووکس کی وضاحت: "کنگ بابر" والا تبصرہ طنز نہیں، ہنسی مذاق تھا

 

کرس ووکس کی وضاحت: "کنگ بابر" والا تبصرہ طنز نہیں، ہنسی مذاق تھا

حال ہی میں انگلینڈ کے کرکٹر کرس ووکس نے پاکستان کے سابق کپتان بابر اعظم سے متعلق اپنے "کنگ بابر" والے تبصرے پر وضاحت پیش کی ہے۔ ان کا کہنا ہے کہ یہ بات طنز نہیں بلکہ ایک دوستانہ مذاق کے طور پر کی گئی تھی۔

ایک پروگرام میں معین علی کے ہمراہ گفتگو کرتے ہوئے کرس ووکس نے بتایا کہ انہوں نے جنوبی افریقی کھلاڑی ویان ملڈر کی انسٹاگرام پوسٹ پر "کنگ بابر" کمنٹ کیا تھا، جسے شائقین نے سنجیدہ اور تنقیدی طنز سمجھ لیا۔

کرس ووکس نے وضاحت دی:

"میں ویان ملڈر کے ساتھ جنوبی افریقی لیگ میں کھیل چکا ہوں۔ پاکستانی شائقین ٹیسٹ سیریز کے دوران بابر اعظم اور ملڈر کی تلخ کلامی کے بعد، انسٹاگرام پر ملڈر کو طنزیہ طور پر ’کنگ بابر‘ کہتے تھے۔ ہم دوستوں میں بھی اسی مزاح کو دہراتے تھے۔"

کرس ووکس کا کہنا تھا کہ یہ تبصرہ صرف ایک مزاحیہ انداز میں کیا گیا تھا، مگر کچھ شائقین نے اس کا غلط مطلب نکالا اور انہیں تنقید کا نشانہ بنایا۔

انہوں نے واضح کیا کہ بابر اعظم کے خلاف ان کے دل میں کوئی منفی جذبات نہیں، بلکہ یہ تبصرہ صرف ہنسی مذاق میں کیا گیا تھا۔