بھارتی شہری سنجوگ گپتا آئی سی سی کے نئے چیف ایگزیکٹو مقرر

 

بھارتی شہری سنجوگ گپتا آئی سی سی کے نئے چیف ایگزیکٹو مقرر

انٹرنیشنل کرکٹ کونسل (ICC) میں بھارتی اثر و رسوخ میں مزید اضافہ ہو گیا ہے، کیونکہ جے شاہ کے بعد اب سنجوگ گپتا کو آئی سی سی کا نیا چیف ایگزیکٹو مقرر کیا گیا ہے۔

آئی سی سی کی جانب سے جاری بیان کے مطابق، سنجوگ گپتا نے آج سے اپنی ذمہ داریاں سنبھال لی ہیں۔

یہ تقرری رواں سال مارچ میں شروع ہونے والے ریکروٹمنٹ پراسیس کے تحت عمل میں آئی، جس میں دنیا بھر کے 25 ممالک سے 2500 سے زائد درخواستیں موصول ہوئی تھیں۔

سنجوگ گپتا میڈیا، کھیلوں کے انتظام، اور بین الاقوامی براڈکاسٹنگ میں تجربہ رکھتے ہیں اور انہیں بھارت میں اسپورٹس نیٹ ورک کی ترقی میں اہم کردار ادا کرنے والا ماہر سمجھا جاتا ہے۔

یہ تقرری اس بات کی علامت ہے کہ بھارت کا اثر بین الاقوامی کرکٹ پالیسی میں بڑھ رہا ہے، جو کہ مستقبل کے فیصلوں میں نمایاں ہو سکتا ہے۔