ٹیکساس میں شدید بارشیں اور سیلاب: 48 افراد جاں بحق، 15 بچے شامل

ٹیکساس میں شدید بارشیں اور سیلاب: 48 افراد جاں  بحق، 15 بچے شامل

ٹیکساس، امریکا: امریکی ریاست ٹیکساس کے وسطی علاقوں میں جاری شدید بارشوں نے بدترین سیلابی صورتِ حال پیدا کر دی ہے، جس کے نتیجے میں مختلف حادثات میں 48 افراد جاں بحق ہو گئے، جن میں 15 بچے بھی شامل ہیں۔

امریکی میڈیا کے مطابق کئی علاقوں میں 20 سے 26 فٹ تک پانی جمع ہو گیا، جس نے مکانات، گاڑیوں اور سڑکوں کو تہس نہس کر دیا۔ درختوں کے گرنے سے کئی راستے بند ہو چکے ہیں اور متعدد لڑکیاں تاحال لاپتہ ہیں۔

ریسکیو آپریشن کے دوران ہیلی کاپٹرز کے ذریعے 850 سے زائد افراد کو محفوظ مقامات پر منتقل کیا گیا ہے۔

ریاستی حکام نے مزید بارشوں اور دریاؤں میں ممکنہ سیلاب کی پیشگوئی کرتے ہوئے کہا ہے کہ یہ صورتحال واضح طور پر ماحولیاتی تبدیلی کا نتیجہ ہے۔

ریاست کے گورنر گریگ ایبٹ نے ہنگامی حالت کا دائرہ وسیع کرتے ہوئے صدر ٹرمپ سے مزید وفاقی امداد کی درخواست بھی کی ہے۔