Skip to main content

Featured

زلزلے کی مانگا میں پیشگوئی؟ کامچٹکا کا 8.8 شدت کا زلزلہ اور جاپانی فنکار کی حیران کُن "پیشن گوئی"

  زلزلے کی مانگا میں پیشگوئی؟ کامچٹکا کا 8.8 شدت کا زلزلہ اور جاپانی فنکار کی حیران کُن "پیشن گوئی" روس کے علاقے کامچٹکا میں 29 جولائی 2025 کو آنے والے 8.8 شدت کے شدید زلزلے نے نہ صرف روس بلکہ جاپان، امریکا، اور چین سمیت کئی ساحلی ممالک کو سونامی وارننگ جاری کرنے پر مجبور کر دیا۔ زلزلے کے بعد جہاں لاکھوں افراد سونامی الرٹس پر نظر جمائے بیٹھے تھے، وہیں چین میں 10 لاکھ سے زائد افراد نے اپنے اسمارٹ فونز پر ایک حیران کن چیز سرچ کی — 2021ء میں شائع ہونے والی ایک جاپانی مانگا (Comic Book)، جس میں جولائی 2025 میں ایک تباہ کن زلزلے کی پیش گوئی کی گئی تھی۔ اگرچہ مانگا میں یہ تاریخ 5 جولائی لکھی گئی تھی، لیکن اصل زلزلہ 29 جولائی کو آیا۔ اس معمولی فرق کے باوجود، سوشل میڈیا پر لوگوں نے اسے ایک حیران کُن "اتفاق" قرار دیا اور بعض افراد نے اسے سنجیدگی سے لینا شروع کر دیا۔ تاہم جاپانی ماہرینِ ارضیات نے اس "پیش گوئی" کو مسترد کرتے ہوئے کہا کہ زلزلے کی درست پیش گوئی سائنسی طور پر تاحال ناممکن ہے۔ ان کا کہنا تھا کہ اس قسم کی افواہیں عوام میں غیر ضروری خوف اور غلط فہمیاں پیدا...

امریکی ریاست ٹیکساس میں طوفانی بارشوں سے تباہی، مختلف حادثات میں 13 افراد ہلاک، درجنوں لاپتہ



امریکی ریاست ٹیکساس میں طوفانی بارشوں سے تباہی، مختلف حادثات میں 13 افراد ہلاک، درجنوں لاپتہ

ٹیکساس میں طوفان سے تباہی، مختلف حادثات میں 13 افراد ہلاک، درجنوں لاپتہ

واشنگٹن – امریکی ریاست ٹیکساس میں شدید طوفانی بارشوں اور سیلاب کے باعث مختلف حادثات میں 13 افراد جاں بحق ہو گئے ہیں، جب کہ 20 سے زائد بچوں سمیت متعدد افراد لاپتہ ہو چکے ہیں۔

سیلاب سے ہنگامی صورتحال

میڈیا رپورٹس کے مطابق ریاست میں تیز بارشوں کے بعد سیلاب کی صورتحال پیدا ہو چکی ہے۔ متاثرہ علاقوں میں کئی گھر، سڑکیں اور بنیادی سہولیات تباہ ہو چکی ہیں۔ ریسکیو ٹیمیں لاپتہ افراد کی تلاش میں سرگرم عمل ہیں، جب کہ شہریوں کے انخلاء کے لیے ریسکیو آپریشن جاری ہے۔

مزید خطرے کی وارننگ جاری

حکام نے بتایا ہے کہ ریاست میں مزید بارشوں اور ممکنہ سیلاب کے خطرے کے پیشِ نظر الرٹ جاری کیا جا چکا ہے۔ جمعے کے روز ہی شہریوں کو ممکنہ نقصانات سے آگاہ کر دیا گیا تھا اور احتیاطی تدابیر کی ہدایات بھی جاری کی گئی تھیں۔

ریاستی حکام شہریوں سے اپیل کر رہے ہیں کہ وہ محفوظ مقامات پر منتقل ہو جائیں اور مقامی انتظامیہ کی ہدایات پر عمل کریں۔


Comments