امریکی صدر ٹرمپ کا کامیاب فضائی آپریشن اور اسٹاک مارکیٹ کی ریکارڈ سطح پر پہنچنے کا دعویٰ

 

امریکی صدر ٹرمپ کا کامیاب فضائی آپریشن اور اسٹاک مارکیٹ کی ریکارڈ سطح پر پہنچنے کا دعویٰ

امریکی صدر ڈونلڈ ٹرمپ نے کہا ہے کہ امریکی فضائیہ نے چند روز قبل ایک کامیاب آپریشن مکمل کیا، جس کے مثبت اثرات امریکی معیشت پر بھی نمایاں طور پر دیکھے جا رہے ہیں۔ ان کا کہنا تھا کہ "امریکی اسٹاک مارکیٹ آج اپنی بلند ترین سطح پر ہے۔"

وائٹ ہاؤس میں فوجی خاندانوں کے ساتھ ایک تفریحی تقریب کے بعد گفتگو کرتے ہوئے صدر ٹرمپ نے کہا کہ "ہم نے امریکہ کی طاقت کو دوبارہ بحال کیا ہے، اور آج ہمارے بارڈرز پہلے سے کہیں زیادہ محفوظ ہیں۔"

انہوں نے مزید کہا کہ عوام نے ہمیں تاریخی مینڈیٹ دیا، جس کی بنیاد پر ہم نے نہ صرف اپنی افواج کو مضبوط بنایا بلکہ دفاعی نظام کو جدید خطوط پر استوار کرنے کے اقدامات بھی کیے۔

صدر ٹرمپ نے ٹیکس اور اخراجات سے متعلق بل کی منظوری پر بھی اطمینان کا اظہار کیا، جسے انہوں نے "بگ بیوٹی فل بل" قرار دیا اور کہا کہ یہ معیشت کے استحکام کی طرف ایک بڑا قدم ہے۔