Skip to main content

Featured

زلزلے کی مانگا میں پیشگوئی؟ کامچٹکا کا 8.8 شدت کا زلزلہ اور جاپانی فنکار کی حیران کُن "پیشن گوئی"

  زلزلے کی مانگا میں پیشگوئی؟ کامچٹکا کا 8.8 شدت کا زلزلہ اور جاپانی فنکار کی حیران کُن "پیشن گوئی" روس کے علاقے کامچٹکا میں 29 جولائی 2025 کو آنے والے 8.8 شدت کے شدید زلزلے نے نہ صرف روس بلکہ جاپان، امریکا، اور چین سمیت کئی ساحلی ممالک کو سونامی وارننگ جاری کرنے پر مجبور کر دیا۔ زلزلے کے بعد جہاں لاکھوں افراد سونامی الرٹس پر نظر جمائے بیٹھے تھے، وہیں چین میں 10 لاکھ سے زائد افراد نے اپنے اسمارٹ فونز پر ایک حیران کن چیز سرچ کی — 2021ء میں شائع ہونے والی ایک جاپانی مانگا (Comic Book)، جس میں جولائی 2025 میں ایک تباہ کن زلزلے کی پیش گوئی کی گئی تھی۔ اگرچہ مانگا میں یہ تاریخ 5 جولائی لکھی گئی تھی، لیکن اصل زلزلہ 29 جولائی کو آیا۔ اس معمولی فرق کے باوجود، سوشل میڈیا پر لوگوں نے اسے ایک حیران کُن "اتفاق" قرار دیا اور بعض افراد نے اسے سنجیدگی سے لینا شروع کر دیا۔ تاہم جاپانی ماہرینِ ارضیات نے اس "پیش گوئی" کو مسترد کرتے ہوئے کہا کہ زلزلے کی درست پیش گوئی سائنسی طور پر تاحال ناممکن ہے۔ ان کا کہنا تھا کہ اس قسم کی افواہیں عوام میں غیر ضروری خوف اور غلط فہمیاں پیدا...

عمران خان سے متعلق سوال پر امریکی محکمہ خارجہ کی ترجمان کا گریز

 


عمران خان سے متعلق سوال پر امریکی محکمہ خارجہ کی ترجمان کا گریز

واشنگٹن: امریکی محکمہ خارجہ کی ترجمان ٹیمی بروس نے پاکستان تحریک انصاف (پی ٹی آئی) کے بانی عمران خان سے متعلق سوال پر براہ راست جواب دینے سے گریز کیا۔

ترجمان سے یہ پوچھا گیا تھا کہ کیا عمران خان کی جیل میں قید کو امریکا پاکستان کا داخلی معاملہ سمجھتا ہے؟ اس پر ٹیمی بروس نے جواب دینے کے بجائے صحافی کو مشورہ دیا کہ اگر اس معاملے پر ٹرمپ انتظامیہ کا مؤقف جاننا ہے تو وائٹ ہاؤس کی ترجمان کیرولائن لیویٹ سے رابطہ کیا جائے۔

یاد رہے کہ اس سے قبل 20 مارچ کو بھی امریکی محکمہ خارجہ نے سابق وزیراعظم عمران خان کی قید سے متعلق سوالات پر براہ راست موقف دینے سے گریز کیا تھا۔

اس وقت بھی ایک صحافی نے سوال کیا تھا کہ کیا صدر ٹرمپ عمران خان کو ’پارلیمنٹ میں اکثریتی نشستوں کے ساتھ مقبول ترین رہنما‘ ہونے کے باوجود جیل میں ڈالے جانے پر کسی ردعمل کا اظہار کریں گے؟

ٹیمی بروس نے عمران خان کا نام لیے بغیر کہا تھا کہ امریکا کسی دوسرے ملک کے اندرونی معاملات پر تبصرہ کرنے سے گریز کرتا ہے۔

Comments