نعمان اعجاز کا 200 یونٹ بجلی کے نظام پر احتجاج

 

نعمان اعجاز کا 200 یونٹ بجلی کے نظام پر احتجاج

پاکستان کے سینئر اداکار نعمان اعجاز نے ملک میں بڑھتی ہوئی بجلی کی قیمتوں اور 200 یونٹ کے بجلی بل نظام پر شدید برہمی کا اظہار کیا ہے۔

اداکار نے سوشل میڈیا پر اپنے ایک طنزیہ پیغام میں کہا:

"ایک عام پاکستانی شہری کبھی میٹر کو گھورتا ہے، کبھی سورج کو، اور کبھی اپنے بچوں کو، مگر کہیں سے کوئی ریلیف نظر نہیں آتا۔"

نعمان اعجاز نے حکومت سے اپیل کرتے ہوئے مطالبہ کیا کہ:

"200 یونٹ والی بدمعاشی کو ختم کیا جائے، یہ عوام پر ظلم ہے۔"

ان کے اس بیان پر عوام کی جانب سے زبردست ردعمل سامنے آیا۔ کئی سوشل میڈیا صارفین نے نعمان اعجاز کے خیالات سے اتفاق کیا اور لکھا کہ وہ بھی ہر مہینے کے بجلی کے بل دیکھ کر ذہنی دباؤ کا شکار ہو جاتے ہیں۔

ایک صارف نے لکھا:

"یہ 200 یونٹ کی حد صرف عوام کو پھنسانے کے لیے ہے، کوئی رعایت نہیں، صرف سزا۔"

اداکار کا یہ بیان ایسے وقت پر سامنے آیا ہے جب ملک بھر میں شدید گرمی، لوڈشیڈنگ اور بجلی کے بھاری بل عوام کی برداشت سے باہر ہو رہے ہیں۔