غزہ میں اسرائیلی بمباری سے مزید 60 فلسطینی شہید، امداد لینے والے بھی نشانہ

 

غزہ میں اسرائیلی بمباری سے مزید 60 فلسطینی شہید، امداد لینے والے بھی نشانہ

غزہ – اسرائیل کی جانب سے غزہ کے نہتے شہریوں پر فضائی حملوں کا سلسلہ جاری ہے۔ عرب میڈیا کے مطابق، آج صبح سے جاری بمباری میں کم از کم 60 فلسطینی شہید ہو چکے ہیں، جن میں 27 ایسے افراد بھی شامل ہیں جو امداد کے حصول کے لیے جمع ہوئے تھے۔

رپورٹس کے مطابق ان حملوں کے نتیجے میں 180 سے زائد فلسطینی زخمی بھی ہوئے ہیں، جن میں خواتین اور بچے شامل ہیں۔

اسرائیلی فوج کا دعویٰ ہے کہ گزشتہ 48 گھنٹوں میں غزہ پر 250 سے زائد حملے کیے گئے جبکہ اس وقت پانچ ڈویژنز غزہ کے مختلف علاقوں میں زمینی پیش قدمی کر رہی ہیں۔

عینی شاہدین اور عالمی میڈیا کے مطابق، اسرائیلی فورسز بارہا ایسے مقامات کو نشانہ بنا چکی ہیں جہاں امداد کے منتظر افراد موجود ہوتے ہیں۔ ان حملوں کو بین الاقوامی سطح پر انسانی حقوق کی سنگین خلاف ورزی تصور کیا جا رہا ہے۔