ٹیکساس میں طوفانی بارشوں اور سیلاب سے تباہی، 82 افراد جاں بحق

 

ٹیکساس میں طوفانی بارشوں اور سیلاب سے تباہی، 82 افراد جاں بحق

ٹیکساس، امریکا – امریکی ریاست ٹیکساس میں طوفانی بارشوں اور شدید سیلاب کے نتیجے میں مختلف حادثات میں 28 بچوں سمیت 82 افراد جاں بحق ہو چکے ہیں۔

ریسکیو حکام کے مطابق کیر کاؤنٹی میں واقع ایک سمر کیمپ سے 10 لڑکیوں اور ایک کونسلر سمیت 41 افراد لاپتا ہیں جن کی تلاش کا عمل جاری ہے۔

صدر ڈونلڈ ٹرمپ نے کیر کاؤنٹی کو آفت زدہ علاقہ قرار دیتے ہوئے فوری امدادی کارروائیوں کا حکم دیا ہے۔

ریسکیو آپریشن کے لیے ہیلی کاپٹرز، کشتیاں اور ڈرونز استعمال کیے جا رہے ہیں، جبکہ پانی میں پھنسے افراد کو فضائی مدد سے نکالا جا رہا ہے۔

سیلاب کے باعث کئی علاقوں میں مکانات اور گاڑیاں زیرِ آب آ گئی ہیں، جب کہ درخت گرنے سے اہم راستے بند ہو گئے ہیں۔

ریسکیو ٹیموں کا کہنا ہے کہ مزید بارش کی پیش گوئی کے باعث خطرات برقرار ہیں اور متاثرہ علاقوں میں ہنگامی بنیادوں پر امدادی سرگرمیاں تیز کر دی گئی ہیں۔